Марфуға Айтқожина

Талма түс

Бұл бетте «Талма түс» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

03.10.2018
0
0
2091

Талма түс.
Күннің көзі неғылған өртең еді,
Жер тарпиды шопанның кертөбелі.
Жылқы құлап суатқа бара жатыр,
Пау, шіркін, сол бір сәтті көрсең еді!
Талма түс.
Жалын қайнап жартастар өртенеді,
(Жайлау малы өріске ерте өреді).
Тобарсып ыстық күнде шөлдеп жүрер,
Торсыққа қымыз құйып берсең еді.
Талма түс.
Шапқылайды тентек ұл тайға мініп,
Маң төбеттер қояды жайлап үріп,
Бір топ бала көкпар ғып тұсау жіпті,
Барады "аттың басын" сайға бұрып.
Талма түс.
Бара қалсаң жайлауға күнде сауық,
Аты озғандар бәйге алар, жүлде тауып.
Келіншек келе жатыр отау жаққа,
Қайнымен қалжыңдап, бие сауып.

Марфуға Айтқожина Талма түс Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар