Өз елімді өзек етем жырларыма

Жаңаөзен – әсем қала, байтақ жерім
50-ге келдің міне, құт мекенім,
Құшағыңда асыр сап ойнағанмын
Сеніменен ес жиып, ержеткенмін.

Жаңаөзен – сенсің менің барым-нарым,
Сәл ғана алыстасам сағынамын.
Бірінші – Алла, екінші – Ана, одан кейін
Саған кеп, іштей ғана табынамын.

Жаңаөзен – сенсің менің туған жерім,
Пір Бекет қолдап жатқан маңғаз елім
Жыл сайын көруге сені асығады
362 әулие қолдаған, құтты жерім.

Жаңаөзен – мұнайшылар астанасы
Жаңаөзен – қара алтынның бас қаласы.
Көркейіп жылдан-жылға келе жатыр
Жаңаөзен – болашақтың бастамасы.

---