Оғландыда

Оғландыда...

"Шыңырауды" оқып
шындықпен келді танысқым,
Шымырлап жатқан
шымырауыңа кеп бал іштім.
Үстірттің сонау жоталарына теңізден
Үлкен каналын ағызсам ба екен, Қаныштың...
Кенезең кеуіп,
кеберсіп кеткен жер-ана
Кенелші сосын,
шөліркеп сумен қауышқын...
...Ойымды оқып қойғандай менің, Оғланды,
Оюлы бұлттармен құзар шыңдарын торлады
Ор текелері
ойдымға қарай ойысып,
Отты найзағай,
нөсер жаудырып долданды...
Осының бəрі
түсім бе, əлде, өңім бе?
Тау қыраны да
қанатын жазып қомданды...
Пір Бекет жатқан
киелі таудың басында
Осындай сурет,
мен барған күні болған-ды...

Мың қыстаулы елдің
мына бір тауын паналап
Мың қолды əскер де
Бекет!-деп, жаудан қорғанды...
Мырза терегі
болмаса дағы жыңғылдың
Жып-жылы екен,
ықтасаң келіп аңғары.
Киіктер келіп су ішетұғын кие-су
Кім білер, бəлкім, кіндігі жердің - Оғланды
Аңыз атаның аса таяғы Адайға
Алла бұйыртып,
бойтұмар болып қонған-ды!
Байлық бастауы - сарқыла көрме, шымырау,
Барлық періште:
-Əумин!
( Тілек жолданды...)
Шынар Кендін. 2017 жыл.

---