Абай мен Шәкәрім үндестігі – Aldabergen Myrzahanov

Ұлтым менің кенде емес батырдан
Кенде емес жазушыдан ақыннан
Дей тұрсақта ұлтымыздың мақтаны
Дана Абай бәрінен де данышпан.

Жырлап өткен қазағымның елдігін
Сайын дала Сахараның кеңдігін.
Өлеңіне өзек етіп өмірді
Аңсады Абай өз жұртының теңдігін.

Зар заманда тар қамауда күн кешіп.
Жыр арқылы табиғатпен тілдесіп.
Жетті бізге мақсаты бір болған соң
Шәкәрім мен Абай үні үндесіп

Шыңғыс таудың бөктерінен жаралып
Бір атаның ұрпағынан таралып,
Екеуі де сусап өтті емес пе?
Бір бұлақтың кәусарынан нәр алып

Жалғастырған Ұлы Абайдың мұрасын
Бар емеспе Шәкәрімдей бір асыл
Балғын өркен жалын жастар тұрғанда
Жадымызда ұмытылмай тұрасың!

Бұл күндері арай атып таң күліп
Бабалардың есімдері жаңғырып.
Абай менен Шәкәрімдей дананың
Мұралары ұмытылмас мәңгілік!