Өлеңдер Бөлімі

Күзгі дала аспаны

  • admin
  • 14.12.2018
  • 0
  • 0
  • 1610
Бұл күн де өтті,
Алаңдатып, әр қадамын санатып,
Дыбыс шықса жуық маңнан
Өзіне жалт қаратып.
Бұл күн де өтті,
Жанарынан нәзік сәуле таратып,
Ақ арманды, ақ үмітті
Бауырынан жаратып.
Бұл күн де өтті,
Басқа күннен өзгермей,
Еске оралса қандай ыстық
Өтіп кеткен кездер кей.
Бұл күн де өтті,
Күмән салып көңілге,
Жаным тынбас, сағынышым,
Өзіңді бір көз көрмей.
Бұл күн де өтті,
Төзімімді көгендеп,
Ұшқыр сезім шалыс басса
Сабыр шіркін тез өңдеп.
Бұл күн де өтті,
Дұспанымдай табалап,
Жақсылық пен жамандықты
Көзден тізіп саралап.
Бұл күн де өтті,
Өлең қақпай қақпаны,
Талып қана естіледі,
Әлдекімнің жақсы әні.
Бұл күн де өтті
Таңбадай боп тастағы,
Толып кетті құс үніне
Күзгі дала аспаны...


Кінәла мейлің

  • 0
  • 0

Кінәла мейлің,
уайымшылсың деп мені,
Кіналамаса болғаны —
адамдықтың өткелі.

Толық

Көңіл сарайы

  • 0
  • 0

Орманды сонау ішінде таудың көгілдір,
Орман ішін бөлеп жырға, төгіп нұр.
Жапа-жалғыз ғажап жұмбақ сарай бар,
Көрген сайын толқып өтер көңіл бір.

Толық

Ауыл әсерлі

  • 0
  • 0

Өзіңе келсем шаттанам,
Бөленіп көңіл күйге бір.
Жадырап, жайнап аттанам,
Өнгендей болып үйге гүл.

Толық

Қарап көріңіз


Пікірлер (0)

Пікір қалдырыңыз

×