Ана жүрегі! – Айдана Жанболат

Ана деген әрқашанда киелі,
Ана алдында әлем басын иеді.
Жаһандағы жылулықты жинаған,
Анамыздың мейірі мол жүрегі.
Барлығына мұңаятын бір өзі,
Ұл-қызының амандығы-тілегі.
Алаңдаумен бар ғұмыры өтетін,
Анамыздың құрақ-құрақ жүрегі.
Бұл ғаламның ең қажетті тірегі,
Күш беретін көңілдерге нұр өңі.
Ғаламдағы күн-шуақты толтырған,
Анамыздың кең ғой,шіркін жүрегі!