Өмір деген...

Өмір деген
Өмір деген ағын су
Сол ағында өзгелермен жарысу
Өзгермейтін заңы шығар өмірдің
Басқалардан озу және қалысу.

Өмір деген
Сәтсіз бен сәтті шығар
Сүре білген адамға тәтті шығар
Көрінгенмен біреуге кейде жұмсақ,
Ал біреуге тастан да қатты шығар.

Өмір деген
Пойыз дерсің келіп - кетер,
Басы келсе соңы да жылдам жетер.
Бағалай біл кездескен жолаушыны
Сол пойызда өткізген қайран күндер!

Өмір деген
Минуттық тіл тәрізді
Тықылдаған әр қадамы маңызды.
Кейін қайта жүрмейтіні секілді
Жастығымыз қайта келмес жалынды.

Бағалайық, бауырларым, өмірді!
Өткізейік әрбір сәтін көңілді!
Жаман ойды мүлдем алып санадан
Шүкір етіп күнімізге бүгінгі.

---