Өлең, жыр, ақындар

Көреміз

  • 18.04.2015
  • 1
  • 2
  • 24801
Тірі жүрсек, біз көреміз талайды,
Жаңа жылды, жаңа күнді, жаңа айды.
Ұзағырақ өмір болса, жарайды,
Түн де келер, таң да атар арайлы.
Біз көреміз керемет бір шақтарды,
Мың куарып, мың гүлденген бақтарды.
Ақыр түбі ақылдылар үйретер,.
Арамтамақ, азғын, ақымақтарды.
Айла өліп, сезім менен сана шат,
Жауыздық та жатпас, сірә, жара caп,
Адамзатты мәңгі бақи әлдилер,
Ақыр түбі ақыл менен парасат!
Ақиқаттың жаңа жылы туғанда,
Ада болар арамзалар, қулар да.
Жаннат болып жатыр менің жан-өлкем,
Жаманшылық жолай қоймас бұл маңға.
Жаннат болып жатыр менің жан-өлкем!
Аққу болып жүрер менің ақ еркем.
...Қыр басынан қызыл жаулық желпірмін,
Таңмен тұрып, күнмен шығып таңертең...



Пікірлер (2)

Керемет

Пікір қалдырыңыз

Қырықта дәнеңе жоқ дара тұрған

  • 1
  • 3

Қырықта дәнеңе жоқ дара тұрған,
Баяғы бала мінез, бала тұлғам.
Дәл осылай он алты жасымда мен,
Басымнан түн өткеріп, таң атырғам.

Толық

Болашақ ғасырлардың шежірешілері

  • 0
  • 1

Болашақ ғасырлардың шежірешілері,
Сұп-сұрғылт салқын жүзімді
көрсетейін сендерге,
Менің өткен ізімді жазғыларың келгенде,

Толық

Күзгі кеште

  • 0
  • 3

Төңірекке тұрмын қарап,
Дымқыл сызды күзгі кеште.
Күн батарда қызыл жолақ
Әр нәрсе әкеп түсірді еске.

Толық

Қарап көріңіз