Өлең, жыр, ақындар

Ләззат қыз — ғажап қыз

  • 25.01.2019
  • 0
  • 1
  • 9405
Тапталмасын деп қазақтың кек, ары,
Тәуелсіздік туын ұстап жоғары,
Топты бастап шықты Ләззат алаңға,
Толған шақта он алтыға не бәрі.

Қайырмасы:
Қаһарман қыз, ғажап қыз,
Ұрандады Ләззат қыз:
«Жасқанбаған жауынан,
Біз қазақпыз, қазақпыз!
Біз қазақпыз, қазақпыз!
Өмір керек азапсыз.
Ел боламыз егемен,
Сонда ғана азатпыз!».

Азаптады қарақшылар қанқұйлы,
Қазақ қыздар қорлық көрді сан қилы.
Арпалысып теңдігі үшін халқының,
Батыр Ләззат желтоқсанда жан қиды.

Қайырмасы.

Елі үшін ерлігімен елене,
Абырой мен атағына бөлене,
Ләззат сынды қазақ қызы қаһарман
Ұрпағына болар мәңгі өнеге.

Қайырмасы.



Пікірлер (1)

Томи

Осы әннің нотасы керек еді

Пікір қалдырыңыз

Бала киік

  • 0
  • 0

Алай-түлей дауылда,
Көк түтеген жауында,
Бала Киік адасып,
Тап болды бір ауылға.

Толық

Алфавиттің жүйесі

  • 0
  • 0

Алфавитті аш, қалқам,
«А» әрпімен басталған.
Жаратылыс жүйесі –
Бар әлемнің иесі;

Толық

Медеу

  • 0
  • 0

Алатаудың ақтарылып ақ қары,
Шақырады шаттығына шатқалы.
Құзар шыңы көзді тартып қияннан,
Бал үнімен балқытады бақтары.

Толық

Қарап көріңіз