Тілім менің тірегім – Ұлпан Тажибаева

Қазақ тілім- ана тілім ардақты,
Ой айтатын жүйелеп бір салмақты.
Сол тілменен тірі жүрсем егерде,
Танытармын қазағымды жан-жақты.

Қазақ тілім,ана тілім арынды,
Жыр жазамын,жүрегіммен сарынды.
Құрметтейтін ана тілін ұмытпай,
Көбейсе екен жастар бізде дарынды.

Мемлекеттік тілім-қазақ тілі деп,
Мұхтар ағам талай рет күресті.
Алашымның байлығының бірі деп,
Тексіздермен жанын салып тіресті.

Тіл тағдыры – ел тағдыры екенін,
Ұмытпаңдар асыл жанды ағайын.
Құрметтеп алашымның мекенін,
Тілімді мен бақытыма балайын.

Қазақ тілі-тілі ғой арыстардың,
Әлемге тілімді айтып танысқанмын.
Білсеңіз осы тілмен өмір сүрген,
Шәкәрім,Абай сынды арыстарым.

Өгейсітпей тілімізді ардақтап,
Жыр жазайын жүрегіммен салмақтап.
Ғасыр бізге артып кеткен сенімін,
Жүрейінші замандастар күнде ақтап.

Тілім менің өмірімнің айнасы,
Қазағымның өмірінің жалғасы.
Болашақ пен келешектің арнасы
Достығым мен бірлігімнің ордасы.

Сайрайды ғой бұлбұл да тілімен,
Тамылжыған әсем сазды үнімен.
Тіл болмаса әнші құс та сайрамас,
Туған жердің сәні болып күнімен.

Үш бақыттың біріне теңелген,
Тілім менің бақытым да байлығым.
Тілім менің өшпейді деп сенем мен,
Ойымды айтар,еркін айтар айбыным.

Алыстағы жарқыраған жұлдыз да,
Ән шырқаған сыңғыр сазды ұл-қызда.
Өз тілін құрметтесе ұмытпай,
Тіліңді үйрен деп айтпас ең құр босқа.

Оқысақ қазағымның әдебиетін,
Дамытар ек әрине өркениетін.
Ғаламды ана тілде оқысақ,
Көрсетер ек қазағымның кереметін.

Тілім менің жалындаған жырларым,
Тұңғиықтай түпсіз терең сырларым.
Құрметтеймін тілімді әрқашан,
Тіліме арналады жыр-әнім.