1-ші қыркүйек

Міне, тағы күз келді берекелі,
Алып келді тағы да мерекені.
Шəкіртіне есігін айқара ашып,
Жас жүректі қуаныш көл етеді.

Асығады бүлдіршін сəби жүрек,
Келешектің шамшырағы солар тірек.
Санасында сан сұрақ мазалаған,
Келе жатыр мектепке бірінші рет.

Ұстазымен алғаш рет жүздеседі,
Сотқар бала міне енді сіз деседі.
Тентектігін ұмытып сыныбында,
Ойға шомып,қиялымен үндеседі.

Бүлдіршінді бөлейді арай нұрға,
Сүйсінемін, қызығамын қараймын да.
Ұстазымен шəкіртін бірге қойып,
Анасы мен баласындай балаймын да.

Қыркүйектің таңы неткен арайлы,
Қоңырау үні жаңғыртады маңайды.
Ұстазымен сапқа тұрған бүлдіршін,
Қызықтырар əуестіріп талайды.

29 тамыз 1996 жыл.

---