Эссе және өлең-жыр байқауы

Қызыма өсиет

Ойланарсың қызым,
Ойға аларсың қызым.
Анаңның айтқан,
Сөздерін қызым.

Досыңды таны,
Шатаспа қызым.
Адамның жаны,
Досында қызым.

Дəуренді тұр деп,
Ойлама қызым.
Өтеді дәурен,
Жастықпен қызым.

Сағымдай болған,
Ғұмыр ғой қызым.
Жер деген сірə,
Жұмыр ғой қызым.

Байлыққа жылтыр,
Қызықпа қызым.
Оқуыңды оқы,
Ұмытпа қызым.

Əділдікті қолдағың қызым,
Болмашыға солмағың қызым.
Басыңды көтер,
қиналма қызым.
Өзіңе өсиет,
жолдадым қызым.

Қиындық келсе,
жасыма қызым.
Баршылық болса,
Тасыма қызым.

Сенімің сенің, иманың қызым.
Арыңды ойла,иманды қызым.
Уақытыңды босқа,
Өткізбе қызым,
Қаңқу сөзді, жеткізбе қызым.

Барың да сенің,
арың ғой қызым,
Кейінгісі жаның ғой қызым.
Өмірдің өзі ұстазың қызым,
Ғұмырың лəйім,
болсыншы ұзын.



Пікірлер (0)

Пікір қалдырыңыз

Басқа сайттағы жаңалықтар:

Жүктелуде...