Өлең, жыр, ақындар

Жанымды тепкілесең де

  • 15.03.2019
  • 0
  • 0
  • 1255
Жанымды тепкілесең де,
Бал шағың кетті десең де,
Азапты күнде жесем де
Зәріңді төкпе демеймін,
Мен саған өкпелемеймін
Өмір.
Арманды аялап жүрген,
Жалғанды саялап күлген,
Бір күнде оққа ұшырдың,
Өзімді жоқ па жер құшырғың?
Кейде рас, жеңілем ойдан
Бірақ та егіле қойман.
Бақытты көз ілгенімде
Уақытты сезінбедім бе,
Әлде сен өзім дедім бе?
Қайғыны елей қоймадым,
Жайлы күн жебей ойдағым.
Бір әнім гүл атып кеудемде,
Жұбанып үмітке бір демде
Бәрі енді жаңаша дедім.
Сен неткен тамаша едің?
Арымды жараласаң да,
Барымды қараласаң да,
Төмендеу бағаласаң да
Қуаныш тек көрем алдан,
Мен сені жек көре алман
Өмір.



Пікірлер (0)

Пікір қалдырыңыз

Мен сені сүйіп өтем

  • 0
  • 0

Өмір үшін үміт пен арман керек,
Сенім болса жұмаққа бақсы апарар.
Кейде ұрсып, кей кезде қалған жебеп,
Кешіріңдер әз аға, жақсы апалар.

Толық

Бақыт

  • 0
  • 0

Көзімді шаттықпен жуғанмын,
Ақынды миллион ой жегенмен.
Бекеттің жерінде туғанмын,
Дәм татып мейірім дегеннен.

Толық

Көктемімнен кеш қалып

  • 0
  • 0

Сен жайлы ойлар таусылар емес мүлде,
Сағынышым төзімді сарқып бітер.
Күлкі күндер жоғалып, елес түн де,
Тек таңдар бар әл бітіп қалғып кетер.

Толық

Қарап көріңіз