Әбділдә Тәжібаев

Көңіл күйі

Бұл бетте «Көңіл күйі» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

19.03.2019
0
0
3383

Көңілде жоқ қой өзге алаң
Үмітпен күтсең көктемді.
Көрінер күңгірт, шұбалаң
Қиялмен қусаң өткенді.
Өткендер өте береді,
Ұстай алмайсың кеткенді.
Ұмытқың бәрін келеді
Ұмытпай күтсең көктемді.
Қап-қара тасты идіріп,
Жылы жер мейрім береді.
Жапырағын күнге сүйдіріп,
Тастан да кек шөп өнеді.
Кәрі емен қайта бүршіктеп,
Тынысын терең алады.
Ормандар жаңа күй шертіп,
Өзендер қайта толады.
Сеземін мен де еменше
Жерімнің жылы топырағын.
Жаямын әлім келгенше
Жанымның жасыл жапырағын...
Көңілдің күйі гүлденер
Үмітпен күтсең көктемді.
Әйтсе де кінә көрмеңдер,
Аңсасам кейде өткенді.

Әбділдә Тәжібаев көңіл күй көңіл күйі Әбділдә Тәжібаев өлеңдері

Пікірлер (0)

Пікір қалдырыңыз

Жиі қойылатын сұрақтар