Өлең, жыр, ақындар

Інілерге

  • 19.03.2019
  • 0
  • 0
  • 2996
Қартайдық - ау, құрбылар, бәріміз де,
Тек мейірімді болсын жас кәрімізге.
Шаш буалдыр, көз бұлдыр тартса – дағы
Жүрек оты өшпейді әлі бізде.
Сол жүрекпен, сол отта кеудедегі
Жылылықтың болған жоқ шет пен шегі.
Жылыттық қой қаншама замандасты,
Жұбаттық қой қаншама көзі жасты.
Сүйсек сүйдік, шын сүйдік құбылмадық,
Көлеңкеге, күңгіртке тығылмадық.
Арымызды аяулы таза ұстадық
Олжа қуып, оңайға тығылмадық.
Әкемізді сүйедік, құлатпадық,
Шешемізді өксітіп жылатпадық.
Ұл өсірдік, өрімдей қыз өсірдік
Орнымызға не боп тұрақтарлық.
Орным мынау, қабыл ет, жас ұрпағым,
Менің өмір сүргенім - сенің бағың.
Мені бүгін сүйейтін енді өзіңсің,
Кәрі сыйлар сенің де келді шағың.
Сыйламасаң өзің біл, ерік өзінде,
Ескертпеді демессің дер кезінде,
Өлгенімше өкінбей жасай берем,
Жасықтық жоқ жалтақсыз мінезімде.
Кәрі емендей құлармын күндерде бір,
Жұмылар көз, бітер дем, тоқтар өмір,
Маған десең одан соң отын қып жақ
Арты өзіңе әйтеуір соқсын жеңіл.



Пікірлер (0)

Пікір қалдырыңыз

Кеше, бүгін, ертең

  • 0
  • 0

Кеше ғана бала едім тәй-тәйлаған,
Көлеңкеммен жарысып айқайлаған.
Ұшқан құстың қанатын сұраушы едім
Өз тілімде, үлкенше айта алмаған.

Толық

Ақ сәуле

  • 0
  • 0

Қара жер, көк құрақ, қызыл гүл,
Көк аспан, көк теңіз мөп-мөлдір,
Жарық күн жарқырап жанып тұр
Дүниені ақ сәуле жауып тұр.

Толық

Темірші

  • 0
  • 0

Бар қазір бір ақсақал жасы келген,
Әкемнің мен көрмеген көзін көрген.
Сол үшін еркелегім келген шақта
Тұрамын іздеп барып осы қартқа.

Толық

Қарап көріңіз

Пікірлер