Өлең, жыр, ақындар

Жаңа жылға

  • 19.03.2019
  • 0
  • 0
  • 5250
Жаңа жыл келді деп қуану
Оңай ма егде, жас адамға.
Жасырмай айтайын шынымды
Қиын-ақ... Қиын-ақ маған да.
Әр жылдың әр күнін, сағатын
Қимаймыз. Амал не, көнеміз.
Сағаттың қоңырауын қағатын
Қамшыдай қабылдар денеміз.
Тұрса екен қысқармай жылымыз,
Тұрса екен мызғымай сағаттар,
Тұрса екен еңкеймей күніміз,
Тұрса екен тотықпай таланттар.
Дейді ғой әрбір қарт ішінен
Ашса егер алғашқы сезімін.
Бірақ ол айтпай-ақ түсінер
Аталық міндетін өзінің.
Көгертер көктем бар алдымда
Керек қой күннің де жылуы.
Еруі қажет қой қардың да,
Мүмкін бе мен үшін тұруы.
Көгертер көктем бар алдымда –
Мезгілдің балдырған сұлуы,
Керек қой бөбектің алдымда
Бір құлап, бір тұрып жүруі.
Кел, жылым, бөгелмей келе бер,
Қоса бер шашыма ағыңды.
Кел, жылым, әкеліп бере бер,
Айғызды әжім мен дағыңды.
Әкелсең болыпты бөбекке
Қайғысыз, қасыретсіз уақытты.
Шалдардан жылдарға жоқ өкпе,
Тек ұрпақ болсыншы бақытты!



Пікірлер (0)

Пікір қалдырыңыз

Қысылғанда

  • 0
  • 0

Жан едім ойым теңіз, кеудем кемем,
Көңілімнен күй ұшыра беретін ем.
Көгінде туған елдің бұлт боп қайнап,
Күркірей жыр төгуге төнетін ем.

Толық

Батыр шал

  • 0
  • 0

Иығы түскен,
Қайғы уын ішкен
Түнеріп отыр батыр шал.
Жүрегімен бір

Толық

Сыншының сыры

  • 0
  • 1

Жаны жүдеу, жүрегі әлсіз біреуге,
Күнде әзірмін жақсы тілек тілеуге,
Бірақ тілім тартып кете береді,
Әдетімен сыншылықтың мінеуге.

Толық

Қарап көріңіз