Әбділдә Тәжібаев

Кішкене портрет

Бұл бетте «Кішкене портрет» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.03.2019
0
0
2280

Өзгергіш бояу секілді,
Осы бір адам қызық - ақ:
Жап-жаңа жүзі жылы еді
Сұрлана қалды бұзып ап.
Ажарын баққыш өңгенің,
Менікі дегіш – жеңгенің
Ұмыта қалғыш алғанын,
Есептей қойғыш бергенін.
***
Сен әуелі тоқташы өзіңді өзің,
Қалай саған ұнайды бұл мінезің?
«Алсам», «болсам» дегеннен басқа ойың жоқ.
Сәл шыдауға таппайсың титтей төзім.
Жүрегің тар, пейілің тар, ашқарақсың,
Маған доссың, әйтсе де басқарақсың.
«Әбең - Әбең» дейсің де сөзбен алдап,
Түкке асырмай «Әбеңді» тастамақсың.
Немеме? Мен сыйлауға тұрмаймын ба?
Жөні бар ғой қиюдың, қимаудың да.
Жұрт ұйғарды, жөн десең нең кетеді,
Сен сиятын жерге мен симаймын ба?

портрет Әбділдә Тәжібаев мінез кішкене портрет Әбділдә Тәжібаев өлеңдері

Пікірлер (0)

Пікір қалдырыңыз

Жиі қойылатын сұрақтар