Өлең, жыр, ақындар

Іштің, іштің, іштің кеп

  • 22.03.2019
  • 0
  • 0
  • 3210
Іштің, іштің, іштің кеп тоқталмадың,
Арақ ішсем деуші едің жоқ-ты арманым.
Енді міне жаманның бірі атандың,
Артық емес сияқты жоқтан барың.
«Жаман болып не керек тірі болып,
Тірі жүрген жаманның бірі болып».
Сүйретілген сүлдердің несі жақсы,
Арың арзан, ұятың сірі болып.
Кеуде деген қуыс қой көтергенің:
– Осылай боп енді мен өтем! - дедің.
Тірлігіңнен береді әрең хабар,
Анда-санда күркілдеп жөтелгенің.
Кеуде деген қуыс қой көтергенің,
Айтқан саған ақылым бекер менің.
Арың арзан болмаса арақ сіңген.
Жақсы күнге жаман боп жетер ме едің!
Қайтер енді, достым - ау, қош дейін бе,
Тізімінен достардың өш, дейін бе?
Тірі адамды жоғалтқан қай қылығым,
Кешейін бе өзіме, кешпейін бе?



Пікірлер (0)

Пікір қалдырыңыз

Достарым

  • 0
  • 0

Кейде мен созған қолымды билей алмай,
Әлім келмей, жинай алмай қаламын,
Білмеймін, бұл не түсім бе,
Жоқ кәдімгі өңім бе?...

Толық

Уақыт

  • 0
  • 0

Уақыт та судай ағады,
Өтеді дайым сезілмей.
Тек сағат қана соғады
Шыдаған әрең төзімдей...

Толық

Қойшы

  • 0
  • 0

Қойшылығым есімде жасымдағы,
Кімнің көзі малменен ашылмады.
Көз алдымда - қозының жамырағаны,
Құлағымда у-шу боп маңырағаны.

Толық

Қарап көріңіз