Өлең, жыр, ақындар

Сорлайды екенбіз

  • 23.03.2019
  • 0
  • 0
  • 2194
− Ассалаумағалайкүм, молда
Не ғып шықтың жолға?
Қайда барып, қайдан келесің,
Нелер көрдің онда?
− Әлейкүмәссалам, бай!
Неге жүрейін жай.
Сайлауға қарсы аттанып ем,
Айтқаннан соң Қанай...
− Е, болатын ба, қалай?
Еретін бе малай?
Ауылнай қоймақ еді ғой,
Бір тамырын Қанай..,
− Түк те болатын емес,
Түбі оңатын емес,
Кедейлер жымдасыпты,
Ашылыпты кеңес.
− Ой, кеңесі несі тағы?
Шығар - ау, қай-қайдағы,
Онда не бітірмек екен
Құл-құтандар кәні?
− Кеңесі топ болады екен
Кедейлер кеп болады екен.
Бай менен молдалардан
Біреу де жоқ болады екен.
Біздерді қаралайды екен,
Жүректі жаралайды екен.
Ертедегі еркімізді жойып,
Қаралап, алалайды екен.
− Сайлауда болмайды екенбіз,
Тірі боп оңбайды екенбіз.
Көрінген көзімізге шұқып,
Байеке, сорлайды екенбіз.

1929



Пікірлер (0)

Пікір қалдырыңыз

Арыс құмы

  • 0
  • 0

Бурыл құм бұйраланған Арыс құмы,
Сандықтай текшеленген қызыл шыңы,
Арда өскен ойнақ, салып аңдары бар,
Күңіренткен құм арасын ыңы - жыңы.

Толық

Маяковскийдің суретіне

  • 0
  • 0

Ақынның дәл өзі жоқ, суреті бар,
Қарасам, бейнесіне тарқар құмар.
Лапылдап қос көзінен ой сәулесі,
Сыймайды кеудесіне күйлі сырлар.

Толық

Орыс халқына

  • 0
  • 0

Тыңда, тыңда, тыңда мені,
Ұлы жұртым - орыс халқым!
Арнап саған жазамын жыр
Жалынды өлең - жанған жалқын.

Толық

Қарап көріңіз