Өлең, жыр, ақындар

Боранда

  • 23.03.2019
  • 0
  • 0
  • 1509
(Азамат соғысынан)

Ызғырық аяз, қара түн,
Боранмен бірге келеміз,
Аспанда жоқ ай, жұлдыз,
Жарысып желмен келеміз.
Винтовкаға мұз қатқан
Бетті басқан ақ қырау.
Тек суымай ыстық қан,
Қайда дейміз тосқан жау?
Тыңдашы, әне, жан анам,
Жылап дауыс береді.
«Тез жет!» - деген зарлы үні
Суық түннен келеді.
− Шу, жануар, тұлпарым,
Тепсініңдер, жолдастар!
Құтқаралық, ауылды
Күлсін күткен аналар!
Жүрдік, ұзақ түн бойы,
Міне, ағарып атты таң.
Разведкадан жас жолдас
Берді хабар жаңадан:
«Жеттік, жолдас командир,
Ауыл жақын, жатыр жау!
Күзетшілер андап жүр,
Қадаулы тұр ақ жалау».
Таң астында ат қойдық,
Қалды боран жарысқан.
Қызды қырғын, қан майдан,
Оянды ауыл дабыстан.
Сынға түсті семсерлер,
Қардың бетін басты қан...
Біз де айрылдық қимайтын
Талай-талай жас жаннан.
Жалындана шықты күн,
Жусап, жайрап жатты жау.
Көтерілді қызыл ту,
Жатты құлап ақ жалау.

1936



Пікірлер (0)

Пікір қалдырыңыз

Тау қойнында

  • 0
  • 0

Жаз еді мен Алатаумен
Тілдескенде, сырласқанда,
Гүлін иіскеп, көгін басып,
Құзды заңғар шыңға асқанда,

Толық

Комсомол сөйлейді

  • 0
  • 0

Партиямыз жүрегінен, жанынан
Тастады елге жалын атқан жаңа ұран.
«Аттан!» - деді тағы да бір жеңуге,
Далаларда дабыл қағар шеруге. –

Толық

Пионер күзетте

  • 0
  • 0

Толқиды егін,
Шалқиды егін,
Көк жиекте –
Жиекте.

Толық

Қарап көріңіз

Пікірлер