Елден сәлем – Әбділдә Тәжібаев

(Қазақ өнерінің алғашқы он күндігіне)

Өткен күнде көрген азап,
Көрінгенге болған мазақ,
Октябрьде алған азат
Еркін халық, болған қазақ.
Москваға келдік бүгін,
Ел сәлемін бердік бүгін.
Қуанышты күй домбыра,
Ел жасаған ескі мұра!
Алатаудың асқарынан,
Ағынды өзен тасқынынан,
Жасарған ел жүрегінен
Шыққан отты сәлемімен –
Mоскваға келдік бүгін,
Ел сәлемін бердік бүгін.
Қуанышты күй домбыра,
Ел жасаған ескі мұра
Қуанышпен шырқап өлең,
Шатты күйді тербеп терең.
Көркем өмір сәулетпенен,
Москваға бердік сәлем!
Айнымаймыз сендік жолдан,
Туың бекем түспес қолдан.
Куәлік ет, сен домбыра
Жаңаланған ескі мұра!

1936