Өлең, жыр, ақындар

Кедейлік

  • 19.04.2015
  • 2
  • 6
  • 24308
Кедейлік, сен жексұрын, түсін, суық,
Іздемес сені адам керек қылып.
Амал жоқ, ықтиярсыз құл қыласың
Маған салса касыма келме жуық.
Жанды жеп сен ғой мені арытатын,
Күнің жоқ ат пен асқа жарытатын,
Жыртықтан жылтылдаған жас денемді,
Күнге қақтап, аязға қарытатын.
Жарытпай киер киім, ішер асқа,
Сөктіріп малы барлау надан, насқа.
Жас көңілді қайғымен уландырып,
Сенсің ғой толтыратын көзді жасқа.
Қинайтын жан алғыштай жанды сенсің,
Түсі суық жыланмен бірдей теңсің.
Маған салса кедейлік аты өшкірді,
Дер едім, тұрмастай ғып жерге көмсін.
Бірақ, сен өлмейсің ғой, жаның берік,
Құтқарсаң, бар әлемді шыны өліп.
Өлмесең де өлтірем өсе келе,
Жүрмеспін жолдас болып саған еріп.
Талайды осы күні-ақ, жүрмін көріп,
Жалқауды қақпалайсын аттай мініп.
Талаптының маңына жоламайсың,
Талаптанып қууға өзімде ерік.



Пікірлер (6)

ТҰРСЫМБАЙ НАЗЫМ

БҰЛ ӨЛЕҢ МАҒАН ҚАТТЫ ҰНАДЫ

****

Не үшін жылана теңеген

Ашулы бека

Мықты

Ғани

Сұлтанмахмұт Торайғыровтың Кедейлік өлеңі ұнады

Нұрсұлтан

Керемет!

Нұрсұлтан

Сұлтанмахмұт Торайғыровтың "Кедейлік" өлеңі маған қатты ұнады

Пікір қалдырыңыз

Екі тышқан (Ғ. Тоқайдан)

  • 2
  • 2

Даладан екі тышқан май тауыпты,
Шығынсыз екеуі де жай тауыпты.
Жанжалдасып бұл майды бөлісе алмай,
Маймылға бөлдіруге көңілі ауыпты.

Толық

Жан қалқам

  • 1
  • 0

Енді, әрине, мен бір шөп
Қозғалмаймын тіпті көп.
Қозғалмаймын демеймін,
Толқитын енді жерім жоқ.

Толық

Қандай

  • 1
  • 2

Туғандар, жүрген қандай, жатқан қандай,
Жатқан сайын жамбасқа батқан қандай?
Ақ нұрды жарқыраған от деп ұғып,
Білмей жатып таспенен атқан қандай?

Толық

Қарап көріңіз