Өлең, жыр, ақындар

Орыс халқына

  • 23.03.2019
  • 0
  • 0
  • 2512
Тыңда, тыңда, тыңда мені,
Ұлы жұртым - орыс халқым!
Арнап саған жазамын жыр
Жалынды өлең - жанған жалқын.
Өз ұлыңмын туған сенен
Бесігімсің - қызыл алтын.
Сен тербетіп өсіргенсің,
Сенің даңқың - менің даңқым.
Алтын таңның аясында
Арқыраттың, ат ойнаттың
Алмас семсер жарқылдаттың,
Ескі әлемді қалтыраттың.
Оксандарда далаларда
Темір әскер шеру тарттың.
Түнге, түннің сұмдарына
Тегеурінмен қарсы шаптың.
Патшаларды тәж-тағымен
Бейне допша аспанға аттың.
Кайзерлерді сыпырдың сен,
Ұлы Отаннан сілкіп қақтың.
Баулап сонда мені, бауырым,
Ақ сұңқардай сорғалаттың.
Жарылуын жаттаттың сен
Жау ішінде гранаттың.
Құдіретіңнен қуат алдым,
Қатарында бірге шаптым;
Үзенгісін мен де қақтым,
Желден жүйрік арғымақтың
Сонда өсірген ер ұлыңмын,
Иесімін ен қайраттың;
Сөйлер тілім: Ленин тілі,
Сүйген тілі адамзаттың.

1938



Пікірлер (0)

Пікір қалдырыңыз

Уақыт

  • 0
  • 0

Уақыт ұшып барады от қанатты,
Жақындатып жырақтан болашақты.
Кәрі ойлайды бүгінге берешекті,
Жас ойлайды ертеңнен алашақты.

Толық

Бір сыншыға

  • 0
  • 0

Оқимын да жазғаныңды қорқамын,
Бұл не қылған мүсәпір деп аяймын.
Айнымады - ау баяғы бір жортағың,
Танымайсың таңбасын да бояудың.

Толық

Төтелер туралы

  • 0
  • 0

Төтелер көп қой, төтелер
Тікелей тартып жетелер.
Тозбасын десең табаның,
Төтемен тарт та кете бер.

Толық

Қарап көріңіз