Өлең, жыр, ақындар

Жаңа жылда

  • 23.03.2019
  • 0
  • 2
  • 4035
Аяз сүйіп ақ бетін албыратқан,
Бота көзін төңкеріп жаудыратқан:
Жарық түнде жарқылдап ойнайды қыз,
Шаңғысынан шандатып қар боратқан.
Жас жігіт те жайдары күлім қаққан,
Жарын көріп жүрегі тыным тапқан.
Сұлуымен жарыса сырғанайды
Жай оғындай жалт еткен, төмен аққан.
Ақ күмістей ақша қар сырғанатқан,
Өзен, орман, даламды бірдей жапқан –
Бәрінде де сұлу қыз, көркем жігіт,
Тату, тәтті көшетін жылды ұзатқан.
Келді міне, жаңа жыл мархабатты,
Жүзі нұрлы, лебізі бал шәрбатты.
Әкелгені алып күш, ән мен сауық,
Күткендерге бәрін де сыйға тартты.
Ертең Отан айбынмен салтанатты,
Жаңа күш пен жаңа әнді шырқап қатты,
Тартып шеру ілгері жөнеледі
Таңдандырып әлемді, адамзатты.

1940



Пікірлер (2)

Зарина

Күшті өлең екен

Зарина

Осы өлең күшті екен маған ұнап қалды.

Пікір қалдырыңыз

Ақын даусы

  • 0
  • 0

Өртеп отқа фашистер,
Әлденелер салады.
Салған сайын лаулап от,
Жалындайды жанады.

Толық

Жұлдыз-қыз

  • 0
  • 0

Ерте кезде, тіпті ертеде...
Бір қыз бопты Шолпан атты.
Ақ жібектен қос қанаты,
Таң алдында ұшады екен,

Толық

Сүйгенім сен

  • 0
  • 0

Сенші, сәулем: сүйгенім сен жалғанда,
Аңсарым сен - ойда жалғыз қалғанда.
Сен менікі, мен сенікі болмасам,
Өтер едім өкінумен арманда.

Толық

Қарап көріңіз

Басқа да жазбалар