Өлең, жыр, ақындар

Шың басында

  • 23.03.2019
  • 0
  • 0
  • 1621
Москва - қиялымда күнде менің,
Секілді сергігенде алған демім.
Тетігі тірлігімнің - жүрегімдей
Соғады ұясында кең кеудемнің.
Отырмын оңашада қазірде мен,
Үңіліп толқынданған ойға терең.
Жалтылдап жалын сынды қос қанаты
Жанымның сәулесіндей жөнелді өлең.
Көзімнің шымылдығы көтерілді,
Көремін кереметті неше түрлі.
Әлемнің айбарындай тұр Москвам
Күзетіп мархабатпен жас өмірді.
Іргесі құйған жерге қорғасындай,
Жаралған әділдіктің жолдасындай,
Жарқылдап күмбездері тартады көз
Ерлік пен ізгіліктің ордасындай.
Желпіп жел, жауып жаңбыр мұнарасын,
Тазартқан тәбәріктей әрбір тасын.
Түндерде төбесінен айналып ай,
Төгеді күндіз тағы күн шұғыласын.
Қадалған қызыл туы шың басында.
Арналған асыл белгі мың ғасырға.
Отты көз, өр мінезді жас солдаттай
Қалт етпей Мавзолейдің тұр қасында.
Көремін саспай аққан өзенін де
Сияқты Сырдың суы өз елімде.
Сабырындай Россияның жатыр тыныш,
Сақталып сан шежіре өзегінде.
Отырмын ойға шомып қазірде мен...
Сыңғырлап соқты сағат Кремльден.
Басталды жеңіс әні Москвадан.
Бар одақ батыр үшін қосты бірден.

1947



Пікірлер (0)

Пікір қалдырыңыз

Жастығым, мүмкін, оралар

  • 0
  • 0

Жас шағым қалды алыста,
Кәрілік кепті елші боп.
Айналып әуел танысқа,
Қонбақшы сосын көрші боп.

Толық

Ұлы ұстазға

  • 0
  • 1

Өзіңе зор ескерткіш соқтың шындап,
Мың жылдар мызғымастай мраморлап.
Жайдары шуағында көппен бірге
Жалынды жырларыңды тұрмын тыңдап.

Толық

Алтын қоңыраулар қағылсын

  • 0
  • 0

Кәнеки, достар, қараңдар Қазақстанға,
Көріңдер менің бөленген даңққа елімді.
Тағы да бізден дауыл мен жауын жеңілді,
Тағы да миллиард Отанға берілді.

Толық

Қарап көріңіз