Әбділдә Тәжібаев

Қыз қайда?

Бұл бетте «Қыз қайда?» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.03.2019
0
0
3224

Әзіл

Келемін тынбай ізденіп,
Ажарын бағып әр қыздың
Өтеді жазым, күз келіп,
Қыста да қызсыз жалғызбын.
Апырм - ау қайда, қыз қайда,
Елес боп естен тандырған?
Рас-ақ шығып тұрмай ма,
Бұрала басып алдымнан?
Үйленді бәрі құрдастың,
Үйленбей қалған жалғыз мен.
Таба алмай тілін бір жастың
Қылжақтай берем әр қызбен.
Қаңғырмай жалғыз күңіреніп,
Қалдырмай жалқы ізімді,
Қауышсам екен тез көріп
Қиялдай көркем қызымды.
Апырм - ау қайда, қыз қайда,
Елес боп естен тандырған?
Рас-ақ шығып тұрмай ма,
Бұрала басып алдымнан.

1957

Әбділдә Тәжібаев әзіл қыз қыз қайда? Әбділдә Тәжібаев өлеңдері

Пікірлер (0)

Пікір қалдырыңыз

Жиі қойылатын сұрақтар