Ауылым – Айгүл Сәбитқызы

Ауыл жайлы жазалмай көптен өлең,
Білмеймін неге екенін, көп бөгелем.
Сол ауылдың суын ішіп, шаңын жұтып,
Көгеріп көппен бірге көктеген ем.
Ауылым-алтын тұғыр бақ тұрағым,
Өзіңнен жадау жаным, тапты бағын
Төсіңде өсіп-өніп бағым тасып,
Бой түзеп, өзгелердей сап құрадым.
Ауылым-ашық болсын мәңгі аспаның.
Аспаныңда қалықтасын ән дастаным.
Төріңде ойын-сауық үзілмейтін,
Мәңгі аман болсыншы, жан достарым.
Арман мекен баптаған бала қыран,
Қатайғанша демеген қанатынан.
Ауыл жайлы ойласам сағыныштан.
Көңілімді басады ала тұман.