Өлең, жыр, ақындар

Мен қазақ

  • 19.04.2015
  • 2
  • 17
  • 108459
Мен – қазақ, қазақпын деп мақтанамын,
Ұранға Алаш деген атты аламын.
Сүйгенім қазақ өмірі, өзім қазақ,
Мен неге қазақтықтан сақтанамын?

Алтай, Ертіс, Сырдария, Есіл, Жайық,
Арасан қоныс қылдым ірге жайып.
Елім, жерім қорғайтын ерім болып,
Ер жеттім ен далада лықа тойып.

Ер Түрік ұрпағымын даңқы кеткен,
Бір кезде Еуропаны тітіркенткен.
Кіргені есік, шыққаны тесік болып,
Күнбағыс, Күншығысқа әмірі жеткен.

Кешегі хан Шыңғыстың ұрпағына,
Талай царь, талай князь тәжім еткен.
Мен қазақ, қазақпын деп мақтанмын,
Ұранға Алаш деген атты аламын.

Сүйдіріп жүрегімді тартқан менің,
Сарыарқа, Сарыдала туған жерім.
Көк күмбездің астында көк масаты,
Сәулемен алтындаған сары белім.

Кең дала, шаңсыз ауа, таза қоныс,
Иісі аңқып бетім сүйген самал желім.
Кіндік болып малменен жанды өсірген,
Жаз жайлау, күзгі күзек қысқы тебін.

Даламның мен сағынам бек пен ханын,
Ел үшін аямайтын шыбын жанын.
«Қайғысыз ұйқы ұйықтатып»
Қайғырусыз жылқы бақтырып,

Қалыңсыз қатын құштырып,
Алашты «алаш» қылған сабаздарым.
«Топтан торай шалдырмасқа,
Қазақтың бір тайын кәпірге алдырмасқа.

Бір түнде тоқсан ойланып,
Тоғыз төңкерілетін....»

Ел қорғаны ерімнің сүйем бәрін.
Мен – қазақ, қазақпын деп мақтанамын,
Ұранға Алаш деген атты аламын.
Сүйгенім қазақ өмірі, өзім қазақ,
Мен неге қазақтықтан сақтанамын?



Пікірлер (17)

Назерке

Өте керемет!

Жансая

өлең қай жылы шыққан?

Жұпар

Оңай екен

Ақнұр

3-шумақтан кейін мынандай өлең жолдары қалып қойыпты:
"Кешегі хан- Шыңғыстың ұрпағына
Талай царь,талай князь тәжім еткен!"

Тамирис

Өте күшті

Тамирис

Соқыр ағаш әдемі екен

Арай

Ия оте керемет олендердин бини дегим келеди...биз осындай керемет олендерды жаттайык кайдагы бир кореялардын олендерин жаттаганша

Энэс

Өте оңай,керемет!

Фируза

Мен қалған 6шұмағын естімеппін

Еламан Серикпаеа

Өте жақсы жазылған

Арсланбек Ақнұр

Бұл өлең маған қатты ұнайды себебі бала күнімде осы байқауда айтып 1-ші орын алдым

Ерасыл

Керемет!!))))))))

Мұрат

Сұлтанмахмұт Торайғыровтың Мен қазақ өлеңі маған ұнады

Бота

Супер

Arujan

Өтее керемет жазылған. Маған ұнады

Нита

Аяйяйяй нитаааа

Пікір қалдырыңыз

Түсімде көрген бір аяныш хал

  • 1
  • 0

Мен көрдім қызыл гүлді түсі кеткен,
Тәнінен әлсізденіп күші кеткен.
Мағлұм бір түйткіл болып көптен,
Сол түйткіл қазір оған келіп жеткен.

Толық

Кешегі күндей түсті бұлт басқан

  • 1
  • 1

Кешегі күндей түсті бұлт басқан,
Еңсесі төмен түсіп әлі қашқан.
Булығып тамағына ызалы ойлар,
Көздері көрінбейді толған жастан.

Толық

Ақ сәуле

  • 1
  • 1

Назды, нәзік, ақ сәуле,
Көздің жасын исең-ау!
Елжіреп жас жүрегің,
Мендей болып күйсең-ау!

Толық

Қарап көріңіз