Өлең, жыр, ақындар

Қамқалы

  • 04.04.2019
  • 0
  • 0
  • 1503
Елпілдеген, мөлтілдеген, Қамқалы,
Шақырады, алыстан көз тартады.
Құм жоталар, артқа тастап белдерді,
Бетке ұстаған Сарыжайлау, Арқаны.
Дірілдеген, толқындаған сезімдей,
Жас арудың толықсыған кезіңдей.
Жатырсың сен жалпақ жонда жалтырап,
Жатырсың сен кімді күтіп көз ілмей.
Жатырсың сен шарайнадай шалқалап,
Жібек толқын, сырнай сазын тартады–ақ.
Жатырсың сен әлдекімге назданып,
Жатырсың сен нендей сырды арқалап.
Тамып кеткен көз жасындай ғасырдың,
Қалып кеткен сынығыңдай асылдың.
Тұнығындай шайқалмаған сезімнің,
Жанды баурап сонша еркелік асырдың.
Сонша тұнық болармысың, Қамқалым,
Жаудыраған ботакөзі Арқаның...



Пікірлер (0)

Пікір қалдырыңыз

Сырласу

  • 0
  • 0

Айтпашы, әже, ойынды түсінемін,
Көңіл жүдеп, енбесін түсіме мұң.
Сырым аулақ болса егер сол жандардан,
Неліктен маңдайға әжім түсіремін?..

Толық

Күй қанаты көктемгі

  • 0
  • 0

Елеңдеймін дүбірге құлақ түріп,
Дүрліктірді даланы бұлақ күліп.
Күй қанатын сермеді көктем өзі,
Домбырасын дамылсыз бұрап тұрып.

Толық

Бүркіттім, менің

  • 0
  • 0

Көрікті тауым, Бүркіттім,
Көзімнен бұлбұл ұшырған.
Өзіңнен өнген бүршікпін,
Өмірге сый ғып ұсынған.

Толық

Басқа да жазбалар