Өлең, жыр, ақындар

О, жігіттер

  • 04.04.2019
  • 0
  • 0
  • 4241
Ал, құрбым, көлік дайын жүр кетелік,
Жолдардан бізді күткен бірге өтелік.
Алатауым — ақ отау мың сан қонған,
Көгілдір сағым биік түр көтеріп.
Ән-күйдің, төгілдірген жырдың елін,
Көруге біз асықпыз Сырдың елін.
Ақ күріш дариясынан маржан сүзіп,
Құрбыларым сыбанып жүр білегін.
Ақ құспен зымыралық асулардан,
Кеудемде бұлақтайын тасулы арман.
Сұлу Сыр сылаңдаса назын айтып,
Жағадағы жас қайың шашын жайған.
Алыстарға шақырып жол тұрып ең,
Кеудемде мол сағыныш толтырып ем.
Құм белдердің жарысып құйынымы,
Тербелейік Сыр ерке толқынымен.
Құшағын сыр даласы жайды бүгін,
Шалқиық шалқарына байлығының.
Кетейік көк белесте көсілтіп бір,
О, жігіттер, қайда әлгі сәйгүлігің.



Пікірлер (0)

Пікір қалдырыңыз

Құтты мекен

  • 0
  • 0

Жатырсың кең көсіліп, құтты мекен,
Жаныңды біреу мендей ұқты ма екен.
Сыңғырлаған бұлақтың сұлу үнін,
Құмартқанда кәусардай жұтты ма екен.

Толық

Қабір басында

  • 0
  • 0

Анашым!
Болармысың енді де алаң,
Күн туды көретұғын елді де аман.
Арада отыз жылды сабылдырып,

Толық

Жарық жұлдыз

  • 0
  • 0

Сол кеште бір жарық жұлдыз тұрды маздап көгімде,
Сан сырларды толқытты да өн үйірді көңілге.
Сол кеште бір салқын самал желпіп өтті ерекше,
Дүние дел-сал, түсім бе, әлде өңім бе.

Толық

Басқа да жазбалар