Өлең, жыр, ақындар

Дала ұқсастықтары

  • 04.04.2019
  • 0
  • 0
  • 1156
Жеріңменен
Жерім ұқсас жаралған.
Еліңменен
Елім тектес жаралған.
Сен де, мен де бір ауада тыныстап,
Ленинизм тұнығынан нәр алғам.
Өмір жолың басталады алыстан,
Жаугер елсің,
Ата жаумен алысқан.
Махамбет пен
Христодай батырлар —
Ерлікпен де
Ақындықпен қабысқан.
Бір кездері қасірет шегіп,
У ішсең,
Бүгін қандай шалқып жатқан
Тынысты ең.
Ел қорғаған азаматтың ерлігін,
Жазып кеткен —
Жартастарға қылышпен.
Жауынгердің аты мәңгі өлмепті,
Ақ арулап,
Жүрегінде жерлепті...
Туғанда да,
Бұл өмірден көшкенде —
Жер-анасы, құшағында тербепті.
Алыс кетті,
Азасы мол зар заман,
Ана тұрғай,
Желі азынап зарлаған.
Өзен тулап,
Тасқындаса арнадан —
Тау шындарын қыран ұшып шарлаған.
Шырақтар тұр оты лаулап мәңгілік,
Өміріңді —
Өткізер сол ән ғылып...
Жатса ұласып дос жүрегі жаңғырып,
Ауылыңнан аттандым мен
Сән құрып,
Дүниені таң-тамаша қалдырып!
Көп-ақ екен,
Шатқал-шыңдар, төбешік,
Ақсақалдар отыратын кеңесіп.
Мен қайықта,
Ән тыңдаймын тамаша,
Тербетесің
Ескегімді сен есіп!..
Көңіл шалқар!
Таулы, 
Баулы, көл-жазық,
Етек-жеңін жатыр әне кең жазып.
Қазақ, болғар қол ұстасып бүгінде,
Құлшынады құрылыс сап,
Кен қазып!.. 



Пікірлер (0)

Пікір қалдырыңыз

Кама жағасында

  • 0
  • 0

Соққан самал айықтырды ойдан бір,
Жағалауда бір топ бала ойнап жүр.
Жасырмайды таңырқана қалғанын,
Дей ме әлде, "бөтен адам қайдан жүр..."

Толық

Жыр алыбы

  • 0
  • 0

Жамбыл даусы саңқ етті құлағыма,
Жақсы жыр жан қысылса туады да.
Жаңғырып жатты үні алатаудан,
Жүз жастың жеңдірмеген тұзағына.

Толық

Сайрам самалы

  • 0
  • 0

Бұлттан кезін ашып алған кенеттен,
Шуақ күнге тұрамын сені теңеп мен.
Талай жылдар кетіп едік хабарсыз,
Толып жатқан себептен...

Толық

Қарап көріңіз

Басқа да жазбалар