Өлең, жыр, ақындар

Құлду-сұлду

  • 05.04.2019
  • 0
  • 0
  • 1200
Шәлдірбайға Мәлдірбай
Айтып отыр қалдырмай:
"Тоест "... дей қалса Шәлдірбай,
Түсінбей қалып Мәлдірбай:
— "Той істе " десең істейін,
Жалғыз капель ішпей...
Десе мылжың Мәлдірбай:
— Кәпірің не, сенің деп,
Ашу қысып дірілдеп,
Кәлдірбайға "чорт " дейді,
Шәлдірбай оған өйтпейді:
— Зменаюсь, оныңды
Қайтып ал — жапқан "тоныңды
Деп күледі Мәлдірбай,
Шашаға шаң шалдырмай.
Баяндама соғып тұр...
— Түсінбедік, толықтыр... —
Деп қояды Мәлдірбай:
Тыңдар емес Шәлдірбай:
— Тауарыштар, жолдастар!—
Деп қашан да сөз бастар,
Әдетімен бастады,
Білетін тілін тастады,
Білмейтін тілден қашпады,
Түсініп жатқан ешкім жоқ,
Үш жарым сағат қақсады...
Мәлдірбай ғана қол соғып,
Шәлдірбайды мақтады.
— От төбе, не! — деп ылғи,
Оның сөзін жақтады:
Өйткені өзі Мәлдірбай,
Қатып қалған шандырдай,
Шытырлайды, шырпиды,
Көрінгенді тарпиды...
Өмірі кітап ашпайды,
Әріден, бірақ, бастайды.
Жаттанды сөзді төбе ғып,
Үйіп-төгіп тастайды.
Оларда сұмдық жылжу бар,
Оларды сүйреп жүр жылдар...
Тілімен істі тындырған,
Бар кейбір құлду - сұлдулар...



Пікірлер (0)

Пікір қалдырыңыз

Төрешілдік

  • 0
  • 0

Арыз түссе алдына,
Бір оқуға ерініп,
Алқымынан қиғаштап,
"Тәртіп" салады керіліп.

Толық

Епшілер

  • 0
  • 0

Мақтанышпен бәрі атайды
Әлжанова Қамзетайды.
"Ең атақты сауыншымыз, —
Білеміз, — деп, — ол апайды".

Толық

Честное слово

  • 0
  • 0

Бетіңе қарай, күлімдей келеді,
Күле қарасаң, күлімдей береді,
Майпаздап жүріп, мәпелеп сөйлеп,
Жыландай жылжып, білінбей келеді.

Толық

Қарап көріңіз