Тұрмағамбет Ізтілеуұлы

Серігің жоқ бір Алла

Қазақша өлең мәтіні, өлең жолдары және толық нұсқасы.

20.04.2019
0
0
5444

Серігің жоқ бір Алла!
Өлмейтін тіпті, тірі Алла!
Осыншаны халық еткен,
Құдіреті күшті, ірі Алла!
Қалайда да құлыңның,
Өзіңе мағлұм сыры, Алла!
Тәубә - таупық бермесең,
Көңілімді басты кір, Алла!
Сол кірлерді кетіріп,
Ойыма орнат нұр, Алла!
Адаса қойсам, әрқашан
Жолыңа жақсы бүр, Алла!
Қастық қылған қаннастың,
Тұмсығына ұр, Алла!
Иманымды жолдас ет,
"Дүниеден, - десең, - жүр", - Алла!
"Қабыл қыл, - деп, - мұнымды"
Алдында құлың тұр, Алла!
Үмбетіне досыңның,
Бермейсің қайтіп, бір Алла!
Үмітін бар ұялтып:
"Демес - ау, - деген, - бұранда".
"Үмітіңді үзбе!" деп,
Айтқансың әзің Құранда!

1929

үміт тәубә Тұрмағамбет Ізтілеуұлы Алла серігің жоқ бір алла Тұрмағамбет Ізтілеуұлы өлеңдері

Пікірлер (0)

Пікір қалдырыңыз

Жиі қойылатын сұрақтар