Түрмеде

Қазақша өлең мәтіні, өлең жолдары және толық нұсқасы.

  • 21.04.2019
  • 0
  • 0
  • 1362
Құлнияз, Ырыс, Тілеу, Нұралы, Өте,
Бектерсің бір - біріңе туған тете.
"Жасарсын жанымдағы" дегендей-ақ,
Тұрсындар тәрбиелеп құрмет ете.
Қабыл боп қайырларың бізге қылған,
Кешікпей кетерсіңдер жолмен төте.
Асығып, асылында, мұқамаңдар,
Мұратқа қоймадым деп бүгін жете.
Түрі бар тоң еритін, тоқсан шығып,
Тәнәні тондырғанмен тітірете.
Кеңестің кеңшілігі болар сондай,
Ел-жұртты үркіткенмен өте-мөте.
Деп молла Тұрмағамбет қолым қойдым,
Баласы мен де Әлімнің, асылым Кете!

Қазалы, 1930


Пікірлер (0)

Пікір қалдырыңыз

Жиі қойылатын сұрақтар

Түрмеде өлеңінің авторы кім?

Тұрмағамбет Ізтілеуұлы — осы өлеңнің авторы.

Түрмеде өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Түрмеде өлеңі не туралы?

Бұл өлеңде Тұрмағамбет Ізтілеуұлы өз ойы мен сезімін көркем түрде жеткізеді.

Түрмеде өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері