Өлең, жыр, ақындар

Қыз сүю

  • 19.04.2015
  • 1
  • 3
  • 14944
Қыз десе әркім кетер қызуланып,
Көңілге әлдеқайдан от кеп жанып.
Ең арты аппақ қу бас шалдар-дағы
Қояды бір қиқаңдап құшырланып.
Дүниеде жан саясы қыз дейсің ғой,
Құмартып құлқың құрып іздейсің ғой.
Мылқау, кеще, таз, тазша болсаң-дағы
Қыз тимес деп күдерді үзбейсің ғой.
Қыз сондай сен іздеген сұлу болса,
Көргенде құмарланып кеудең толса,
Алмас қылыш жүзіндей аударылып,
Көлеңкесі көңіліңе барып қонса.
Бойы тік, сын-сымбаты түзік болса,
Саусағы сылдыраған жүзік болса.
Екі беті үлбіреп, көзі жайнап,
Белдері тартқан сымдай нәзік болса.
Өн бойың қарағанда ду-ду етсе,
Сыртың қысылып, тұншығып ішің күйсе.
Ал сонда асыла кетіп, бұраң етіп,
Қайтер едің, жігітім, қолға тисе?



Пікірлер (3)

ҰЛМЕКЕН

МАҒАН сұлтанмахмұт ТОРАИҒҰРЫПТЫҢ ӨЛЕҢДЕРІ ҰНАИДЫ ӘСІРЕСЕ ӨМІРДІ ҮЗІП АЛУЫ ӨЛЕНІ ҚАТТЫ ҰНАИДЫ

Жантөре

Маған да Сұлтанмахмұд өлеңдері ұнайды.

Жантөре

Мағада ұнады

Пікір қалдырыңыз

Балалық жасым өтесің

  • 1
  • 0

Балалық жасым өтесің,
Жігіттікке жетесің,
Орта таудан аса алмай,
Бір шұқырға тығылып,

Толық

Өмірімнің уәдесі

  • 1
  • 0

Оллаһи! Ант етемін алла атымен,
Орыс тілін білемін һәм хатымен,
История, география пәнді білмей,
Оллаһи, тірі болып жүрмеспін мен.

Толық

Кешегі күндей түсті бұлт басқан

  • 1
  • 1

Кешегі күндей түсті бұлт басқан,
Еңсесі төмен түсіп әлі қашқан.
Булығып тамағына ызалы ойлар,
Көздері көрінбейді толған жастан.

Толық

Қарап көріңіз