Қадыр Мырза Әли

Үш ғасырдан кейін мойындалған шындық

Бұл бетте «Үш ғасырдан кейін мойындалған шындық» атты Қадыр Мырза Әли жазған шындық туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

27.04.2019
0
0
4487

Шораға

Алдағыңнан жеңіл емес арттағың,
Азабым деп ұқпа өмірдің артқанын...
Көзін,
Сөзін,
Өзін қиды ақыры —
Бәрін қиды шындық үшін қарт ғалым.
Бұл өмірде түсінбейтін көп қызық.
Айтқанменен,
Жазғанменен жеткізіп,
Галилейдің идеясын
Ватикан
Мойындады үш ғасырды өткізіп.
Өмірде ұзын,
Ал өлеңде қысқа сыр.
Қысқалыққа құштар сөздің ұстасы.
Үш ғасырда дәлелдер ең нені де,
Өмір сүру мүмкін емес үш ғасыр!
Не болады бір ғұмырың.
Бір жасың?!
Әділдікке асықпайды «мырза» сын.
Мойындалып жатса шындық,
Үш емес,
Он ғасырдың өзіне де ырзасың!..

Қадыр Мырза Әли шындық ғасыр үш ғасырдан кейін мойындалған шындық Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар