Өлең, жыр, ақындар

Гейне және оның төрт иті

  • 27.04.2019
  • 0
  • 0
  • 2362
Айқастар мен айтыстарда батса керек тіс қатты,
Заманында Гейнеңіздің өзі төрт ит ұстапты.
Ашулы ақын
Жыр майданда талай көрген шатақты
Төрт итін де төрт қасының есімімен атапты.
Сол төрт итті,
Мезгіл-мезгіл сүйек тастап отырып,
Қорлап-қорлап алады екен,
Ыза-кегін өлтіріп.
Мен, әрине, Гейне емеспін өлген жанын өрт құшып,
Дегенменен жасырмаймын,
Менде де бар төрт күшік.
Бірақ қас жоқ,
Төрт досым бар,
Яки төрт уайым бар.
Төрт күшікке сол төрт достың атын қоймақ ойым бар.
Қазір мені Гейнеге, рас, ешбір сыншы теңемес.
Менің итім Гейне итінен бірақ бір де кем емес.
Білгің келсе, Ұлы ақыннан менің ойым басқаша:
Мен оларға ауыр-ауыр сөз айтпаймын ешқашан.
Ұстазымнан бөлегірек.
Бөлек менің мақсатым.
Итті сөгіп,
Менің, сірә, шыға қоймас жақсы атым.
Өйтіп қайтем!
Жүре-жүре
Арасында сөз борап,
Бір-біріне үре-үре
Ит болады өздері-ақ!



Пікірлер (0)

Пікір қалдырыңыз

Жауабының түрі

  • 0
  • 0

Тізбек-тізбек вагондар,
Тұрды поезд тоқталып.
Келім-кетім деген бар,
Ығы-жығы көп халық.

Толық

Қуын-ай

  • 0
  • 1

Бар еді досымда
Кішкене ала доп,
Біздің үй қасына
Ойнайтын ала кеп.

Толық

Арман

  • 0
  • 0

Азамат боп мен ертең
​Ауылымды көгертем.
​Біздің қазған канаға
​Канал болмас келер тең.

Толық

Қарап көріңіз