Қаһарына әбден мінген Сара апай

Қаһарына әбден мінген Сара апай,
Қамшы болып осқылады қалақай.
Кімді сабап,
Кімнен таяқ жегенін
Айтпай қойды,
Айтпай қойды, балақай.
Орындалмай шешесінің бұйрығы,
Осы жолы алған тентек ширығып.
Дуылдайды алақаны ананың,
Дуылдайды балақайдың құйрығы.
Алғандай бір аузына су толтырып,
Айтар емес не болғанын ол тірі...
Қойдырам деп тентектігін баланың
Қайсарлығын ала көрме өлтіріп!