Өлең, жыр, ақындар

Төрге шығу әлі бізге ерте ме

  • 29.04.2019
  • 0
  • 0
  • 2593
Төрге шығу әлі бізге ерте ме?!
Ерте болса, турасын айт еркеңе.
Мен бәрібір диваныңа шалқаймай,
Құлай кетем жеңгей жайған көрпеңе.
Киіз үйді кернеп шалқар шабыт ән,
Қалалықты қыр ұлы боп қағытам.
Құрып кеткір галстукты лақтырып,
Омыраудың бар түймесін ағытам.
Жасы түгіл,
Жасамысы кішіріп,
Қонақтарды алады ауыл түсіріп..
Ет келгенде
Қоямын жай ақырын
Шанышқыны былайырақ ысырып..
Міне, осылай —
Келген сайын сағынып,—
Әдетімнен көрген емен жаңылып.
Киіз төсеп шөп салулы арбаға
Қалғып кетем атам тонын жамылып
Бір кездері әлдилеген жетімді
Әже түннің бесік жыры өтімді.
Тәтті ұйқымды әрең-әрең ашамын
Гүлге тұрған шықпен жуып бетімді..
Сыбызғысын безілдетіп сары масаң,
Сары белде сағымменен арбасам.
Куәлікке қырда туды делінген
Тұлпарлардың тұяғымен мөр басам.



Пікірлер (0)

Пікір қалдырыңыз

Кенже

  • 0
  • 0

Сіңген бе о бастан-ақ санасына,
Ата-ана қарай ма әлде шамасына.
Кенже деп,
Кенжетай деп,

Толық

Көктем шығып кетпесін

  • 0
  • 0

— Коньки теуіп үйренем,
Қиын дерлік несі бар!—
Күнде солай дегенмен,
Кәрім емес асығар.

Толық

Сол сияқты іздегенің сенің де

  • 0
  • 0

Сол сияқты іздегенің сенің де.
Солай ма еді?!
Солай шығар тегінде!
Көзді жұмып бір өтірік айтып ең,

Толық

Қарап көріңіз