Қадыр Мырза Әли

Адамдардың жұмбағы мен сыры қандай көп еді

Бұл бетте «Адамдардың жұмбағы мен сыры қандай көп еді» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

29.04.2019
0
0
4184

Адамдардың жұмбағы мен сыры қандай көп еді!
Өзің кейде өзің болмай, өзге болғың келеді.
Мен білмеймін: өзгере ме, өзгермей ме шын асыл,
Кейде, тіпті, ащыдан да, тұщыдан да шығасың.
Кейде әңгімең жараспайды жақын деген жанмен де
Айта-айта жалығасың ең әдемі әннен де!
Жоғалғандай жалын жастық бермейтұғын оты ырық,
Зерігесің кейде тіпті қыздармен-ақ отырып!
Сарқылғандай сенің үшін дүниенің қызығы,
Баяғыдай етпейді әсер алма беттің қызылы.
Бұрынғыдай ықыласпен ішпейсің дос сырасын,
Біреулермен сөйлескенде басқаны ойлап тұрасың.
Ондай кезде емдеу сені мүмкін емес дәрімен,
Өзіңе-өзің ұнамаған жаман екен бәрінен!..

Қадыр Мырза Әли ұнамау адам сыр адамдардың жұмбағы мен сыры қандай көп еді Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар