Өлең, жыр, ақындар

Адырна

  • 29.04.2019
  • 0
  • 0
  • 2982
Эпилог орнына

Қақыратып шыдамның қабырғасын,
Әлі талай айтылар Қадырға сын.
Идеялар жетсін деп нысанаға,
Шірей тарттым ақылдың адырнасын.
О, жаратқан!
Ерлікпен тегім бірге,
Жақсылықтың шебінен шегіндірме!
Шіркін сөзім
Еменнің жаңғағындай
Тамыр тартып кетсе ғой көңілдерге!
Маған деген күдікті таста, құрбым.
Мен өтірік айтпайтын жасқа кірдім.
Шіркін сөзім
Амурдың жебесіндей
Махаббатын оятса тас бауырдың!
Қарақшыдан
Әділдік жолындағы
Құтқармасаң біреуді — өлім дағы!
Шіркін сөзім
Кіжінген қанішердің
Қағып түссе қанжарын қолындағы!
Қамын қойып кәдімгі қара бастың,
Жыр майданға мен қашан араластым
Шіркін сөзім
Елдерде адам асқан
Қиып түссе арқанын дар ағаштың!
Ойлар! Ойлар!
Ойлардан ауыр, басым.
Ойдан бірақ белгілі ауырмасым.
Құлағымның түбінде дыңылдап тұр
Жүйке тамыр — сезімнің адырнасы!



Пікірлер (0)

Пікір қалдырыңыз

Көлге құйған өзендей қарық қылар

  • 0
  • 0

Көлге құйған өзендей қарық қылар
Өлең жазсаң болмай ма халыққа ұнар.
Неткен жансың апырым-ай, мақтан сүйгіш,
Неткен жансың апырым-ай, даңқ құмар!

Толық

Мен — балықшы

  • 0
  • 0

Серік болып Салыққа,
Барып едім балыққа.
Алабұға, ақ шабақ
Берді маған көп сабақ.

Толық

Кеңес

  • 0
  • 0

Жұлдызым боп жанса шындық төбемде,
Өтіріктің шылымын мен шегем бе?!
Сұлуларға әдемісің демесең,
Селт етпейді ақылдысың дегенге!

Толық

Қарап көріңіз