Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Базына

Қадыр Мырза Әли

Базына

  • 29.04.2019
  • 0
  • 0
  • 2923
Дарқан дала дәулет боп тасиды енді.
Тасиды енді,
Ешкімге бас имейді.
Керегенің түбінде керілдің бе?
Балкон емес ол саған тас үйдегі!
Ақ көйлекті әдемі қайда қайың!
Айлы түнде самал боп аймалайын,
Жайлауды сен көрдің бе?
«Жайлау» атты
Ресторан емес ол, айналайын!
Қалай маған даланы мұра демес?!
Дала болып алдымда тұрады елес.
Шымырлаған бұлақтан су іштің бе?
Құбыр емес ол саған,
Кран емес!
Біртұтас боп тұрғанмен әлі ғалам,
Басқашалау өсірді сені қалаң.
Киіз үйді,
Жайлауды,
Даланы ұқпай,
Ұқпайсың ғой,
Ұқпайсың мені, балам!

жайлау дала Қадыр Мырза Әли базына Қадыр Мырза Әли өлеңдері

Пікірлер (0)

Пікір қалдырыңыз

Әзіл

  • 0
  • 1

Құлақ естіп, көз көріп,
Дей беруші ек кінәлі.
Шыға келді өзгеріп,
Өзгермейтін Тінәлі!

Толық

Із түспеген әлі де миым қардай

  • 0
  • 0

Із түспеген әлі де миым қардай.
Көңіл ғана ұйтқиды құйындардай.
Өсейін-ақ деймін-ау,
Өсе алмаймын

Толық

Жол ортасы

  • 0
  • 0

Қайран тірлік!
Қызықтың бәрі осында:
Өкпе-наз да,
Үйлесім-жарасым да.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер