Қадыр Мырза Әли

Екі көктем

Бұл бетте «Екі көктем» атты Қадыр Мырза Әли жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

29.04.2019
0
0
3313

Қаңтарында мығым еді мығымы,
Күннің ойын көзінен-ақ ұғынып,
Мақтасындай көнелеу бір көрпенің
Қардың жүні қалды бірден жығылып.
Айналаға тосқан алтын табақтар
Ару көктем үмітіңді әлі ақтар.
Терлеп-тепшіп,
Төбесінен бу шығып,
Қарауытып қалды күнгей қабақтар.
Саумал сәуле сырғығандай науадан,
Сіміреді,
Сіңіреді сау адам.
Бұтақтары бөртіп өрік ағаштың,
Наурыз иісі шығып-ақ тұр ауадан.
Жасыл көйлек киген күні-ақ таныс бақ,
Жүрек пенен жүрек жылап табыспақ.
Жыл көктемі бірте-бірте жақындап,
Өз көктемім бірте-бірте алыстап!..

Қадыр Мырза Әли көктем екі көктем Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар