Қадыр Мырза Әли

Құштарлық

Қазақша өлең мәтіні, өлең жолдары және толық нұсқасы.

29.04.2019
0
0
3521

Тіленіп-ақ тұрса да тамашаға,
Түсінеді халімді бала-шаға.
Әйтеуір мен құмармын тыныштыққа,
Әйтеуір мен құштармын оңашаға!
Сақал-шашым біршама ағарғанда
Душар болдым ғажайып көп арманға.
Әйтеуір мен құмармын өзен-көлге,
Әйтеуір мен құштармын көк орманға.
Бір сәттерді сағынып,
Мұң басқанда,
Бір өлеңім татиды мың дастанға.
Бүлдіргендей жұлдызды үзіп жейтін
Әйтеуір мен құштармын түнгі аспанға.
Алып қашып көңілім нұрлы асуға,
Асығамын майсаны бір басуға.
Әйтеуір мен құштармын
Күбір-күбір
Табиғаттың өзімен сырласуға!

Қадыр Мырза Әли құштарлық Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар