Өлең, жыр, ақындар

Табиғи тірлік

  • 29.04.2019
  • 0
  • 0
  • 5139
Заман сырын қалай айтып таусамын!
Шатыр ұстап мәз боламыз жауса күн.
Біздер түгіл,
Сиырлардың желіні
Сағынады арулардың саусағын!
Ұлы электр тұрған кезде отты қой!
Техника құдіретін төкті ғой.
Самолет пен поезд емес,
Бүгінде
Атқа отыру қиын болып кетті ғой!
Айналғандай жаңбыр менен қарға су,
Моторларға алмайтұғын бар ма асу?!
Қазір бірақ мүмкін болмай барады
Жалаң аяқ көгал кешу,
Жер басу!
Бізден қазір жабайы өскен гүл де аулақ.
Бір дуадақ табу қиын күн де аулап.
Жұмыртқада дәм бола ма
Қоразсыз
Тауық оны тапқаннан соң күлге аунап?
Мәні бөлек,
Дәмі бөлек көп шөптің.
Күні өтпейді алау үшін шөпшектің.
Табиғаттың орны бөлек:
Еміздік
Өмірі орнын баса алмайды емшектің!



Пікірлер (0)

Пікір қалдырыңыз

Айналаға ақ сәуле таратқандай

  • 0
  • 0

Айналаға ақ сәуле таратқандай,
Дүниеде жоқ емес,
Бар ақ маңдай.
Сұлулығын бағалап,

Толық

Арасында жүруші едім гүл-гүлдің

  • 0
  • 1

Арасында жүруші едім гүл-гүлдің,
Өте шықты-ау зымыраған дүлдүл күн.
Ұйықтаушы едім әлдиінен анамның,
Оянушы ем әуенінен бұлбұлдың.

Толық

Тоқымқағар

  • 0
  • 2

Таң қалдырып мен елді,
Тайға мініп жөнелдім.
Шапқан сайын елірдім,
Шапанымды жел үрді.

Толық