Өлең, жыр, ақындар

Сүйікті сүйел

  • 29.04.2019
  • 0
  • 0
  • 1690
Күнге тосып,
Желге тосып арқамды,
Еңбекпенен қарсы аламын әр таңды.
Қаламсаптан пайда болған сүйел бар
Менің мынау саусағымда ортаңғы.
Қанша жақсы көргенменен қыз үнін,
Кім өзгертер алақанның сызығын.
Бар дәулетім сол сүйелдің астында,
Сол сүйелдің үстінде бар қызығым.
Сол сүйелдің астында бар мақсатым.
Сол сүйелдің үстінде бар жақсы атым.
Саусағымды жауыр қылмай қаламмен,
Өзіме өзім ырза болған жоқ сәтім.
Бар бақыты көңіл деген сарайдың
Жемісімен есептелер әр айдың.
Біреу мені даттағанда — жырыма,
Мақтағанда — сүйеліме қараймын.
Шілдедегі шөлге тартқан каналдай
Ширек ғасыр келемін мен дем алмай.
Сыбағамның жоғалмасын сеземін
Саусақтағы сол сүйелім жоғалмай!



Пікірлер (0)

Пікір қалдырыңыз

Айып

  • 0
  • 0

Шаңғысына сүйіне,
Ойнай-ойнай еc кетіп,
Омарғали үйіне
Оралды тек кештетіп.

Толық

Шаруа

  • 0
  • 0

Мен үшін ауылымның әр күні өлең.
Махаббат дейтін мәңгі бар бір емен.
Ғажап қой
Алай-дүлей бораннан соң

Толық

Қаладағы қартайған ат

  • 0
  • 3

Баяғыдан, әрине, бағасы кем,
Байланысы жоқ енді даласымен
Бір кездегі белгілі ат
Бара жатыр

Толық

Қарап көріңіз