Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Ой мен тыныштық

Қадыр Мырза Әли

Ой мен тыныштық

  • 29.04.2019
  • 0
  • 0
  • 3806
Желпілдемей, желікпей
Жағдайымды сезе ғой.
Оқтан қашқан еліктей
Айқай-шудан безеді ой.
Келеді ылғи именіп
Көршілерім, туысым.
Басып қоям үйдегі
Телефонның дыбысын.
Бұлдаудайын бұлдаймын
Қазақ күйін, батырым.
Бірақ оны тыңдаймын
Қойып қойып ақырын.
Дүрілдеген қыратта
Тракторға өш емен.
Қыдырамын бірақ та
Машинасыз көшемен.
Жаңғырығып байтағы,
Жаһан үркіп кетердей,
Айтарымды айтамын
Дауысымды көтермей.
Сәби жырға мақтадай
Керек майда алақан.
Тыныштықта тек қана
Басады ой балапан.

Қадыр Мырза Әли ой тыныштық ой мен тыныштық Қадыр Мырза Әли өлеңдері

Пікірлер (0)

Пікір қалдырыңыз

Өмір қиын

  • 0
  • 2

Өмір қиын!
Біреу жанып,
Біреулер малын бағар.
Тұлпар мінсең,

Толық

Тамыр жайып тағы да бір көк шынар

  • 0
  • 0

Тамыр жайып тағы да бір көк шынар,
Мәз боп қалды сұлулыққа тапшылар.
Сенің әрбір шумағыңа,
Жолыңа

Толық

Қаңбақ жыры

  • 0
  • 0

Қаңбақпын,
Қаңбақпын,
Өзімді алдаппын.
Желге ерсең — жерсізсің

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер