Қадыр Мырза Әли

Құрметтесең ата-баба мұрасын

Бұл бетте «Құрметтесең ата-баба мұрасын» атты Қадыр Мырза Әли жазған ата туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

29.04.2019
0
0
7803

Құрметтесең ата-баба мұрасын,
Қазақтардан табылады жыр асыл.
Сол асылға қосасың да бір асыл,
Үлкендерден бата тілеп тұрасың.
Көңіліңе ұйып аппақ сүт есім,
Жабағы ойды жылдар бойы түтесің
Арамнан да бір адалдық,
Әділдік,
Сараңнан да бір жомарттық күтесің.
Ақырында
Көріп тағдыр дүресін,
Жеңіспенен біту керек күресің.
Талай ғасыр қалмай келген пенделік
Түбінде бір қалады деп жүресің.
Тентектердің тоқпақтай ғып шекесін,
Талайлардың танытасың көкесін...
Адам! Адам!
Мынау фәни-жалғанда
Бір жақсылық дәметумен өтесің!

Қадыр Мырза Әли ата-баба мұра құрметтесең ата-баба мұрасын Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар