Өлең, жыр, ақындар

Керегі жоқ алтынның

  • 29.04.2019
  • 0
  • 0
  • 4333
Керегі жоқ алтынның,
Күмістің де.
Өніп жатса болғаны жұмыс күнде.
Бірақ кейде
Көргенде бөбектерді
Ойнағым кеп кетеді құм үстінде.
Аптап ыстық сәл ғана түсті іңірде.
Аптап, ұйқы жанымды қысты бірге.
Жолаушыдай
Сол кезде
Ат шалдырған
Жатып алғым келеді скверде.
Есепті өттім мектепте,
Әріпті өттім.
Өмірімді өнермен көрікті еттім.
Шуылдаған жастарды көрген кезде
Келеді де тұрады еріп кеткім.
Өзім сырым өзіме анық-айқын.
Бір күнім жоқ жігерді жанымайтын.
Айтқым келіп тұрады сұлулығын
Тоқтатып ап сұлуды танымайтын.
Тие қоймас септігі бай мұраның.
Жұбатады адамды қай құраның?!
Маған зиян келтірген адамның да
Өліміне шынымен қайғырамын.
Бір-ақ сөзден қабырғам сылынады.
Бір-ақ сөзден жүрегім жылынады.
Бірақ менің мұнымды кім түсініп,
Бірақ менің мұңымды кім ұғады?!
Осылаймын,
Солай ем кеше де мен.
Талай-талай өртеніп өшеді өлең.
Бірақ бәрін жасырып,
Сұп-сұр болып
Кетіп бара жатамын көшеменен!



Пікірлер (0)

Пікір қалдырыңыз

Жаңбырсыз жаз

  • 0
  • 0

Бұрынғыдай Жайық емес Жайық та,
Жағалауда қаңсып жатыр қайықтар.
Көрмедім деп болмай-ақ қой күдікті,
Көңілі де орта түскен құдықтың.

Толық

Ширек ғасыр тарамайтын мастығы

  • 0
  • 0

Ширек ғасыр тарамайтын мастығы
Дүниенің бір ғажабы — жастығың.
Жүген-құрық салдырмаса — сол жаман,
Тұмар болған анаң менен атаңа

Толық

Қанатты қыз болсам…

  • 0
  • 0

Қанатты қыз болсам…
Мынау – менің құндақтаулы жатқаным,
Ана сүтін тұңғыш рет татқаным.
Қадыр Мырза Әли

Толық

Қарап көріңіз