Өлең, жыр, ақындар

Қайран менің қызғалдақты көктемім

  • 30.04.2019
  • 0
  • 0
  • 2592
Қайран менің қызғалдақты көктемім!
Қалай сені беріп қойғам теп-тегін?!
А-ха-хамен,
О-хо-хомен жүргенде
Білмей қаппын мезгілімнің өткенін.
Төңірекке болған еді аты аңыз:
Сол аңызды әлі тыңдап жатамыз,
Иіліпті садағындай батырдың
Бір кездегі жебедей тік атамыз..
Көбейгенмен елдің етер тәжімі,
Сиреп біткен абысыны, ажыны,
Қандыағаштың теміржолы сияқты
Енді қазір әжеміздің әжімі.
Ойдың өзі суала ма желінше,
Басып қапты естеліктің көбін шөп.
Бір кездегі сыбызғыдай сұңғақ қыз
Енді көрсең —
Контрабас келіншек.
Біз сияқты қайғырмай да налымай
Бара жатыр көк аспанда балық-ай,
Басқа басқа...
Альбомдағы
Қалдым мен
Бір кездегі өзімді өзім танымай!



Пікірлер (0)

Пікір қалдырыңыз

Құйын

  • 0
  • 0

Жолдың шаңын сипап ап,
Жолсызбенен қашады.
Шашылғанды жинап ап,
Жиналғанды шашады.

Толық

«А»

  • 0
  • 0

— Ата, зейін салдың ба?
Бар әріптің алдында
Неліктен «А» тұрады?—
Деп бір күні сұрадым.

Толық

Бір әңгіме тыңдашы, ұлан, менен

  • 0
  • 0

Бір әңгіме тыңдашы, ұлан, менен.
Жекжаттығым жоқ емес бұланменен.
Тамырласпын,
Тектеспін тарпаңменен,

Толық

Қарап көріңіз